2023 оны эхний хагас жилийн байдлаар 40 мянган тонн мах экспортлоод байгаа бөгөөд оны эцсийн гүйцэтгэлээр энэ тоо нэмэгдэнэ гэдгийг Хүнс, хөдөө аж ахуй, хөнгөн үйлдвэрийн сайд Х.Болорчулуун тодотгож буй. Одоогоор Дорноговь аймгаас хонийг амьдаар нь экспортлож байгаа бол баруун, зүүн бүсээс экспортлох санал яригдаж байгаа аж. Гэхдээ малыг хөлөөр нь экспортлохоос илүүтэй дотооддоо нэмүү өртөг шингээн боловсруулж, бүтээгдэхүүн болгон экспортлох бодлого баримтална гэлээ. Түүнчлэн махны экспортын квотыг цуцалж, экспортын зөвшөөрөл олгох асуудлыг нэг цонхны бодлогод нийцүүлж, цахимжуулаад байгаа юм. Долоодугаар сарын нэгнээс махны экспортын зөвшөөрлийг цахимаар олгож эхэллээ.
