Украины удирдагчийн дипломат зөвлөх Игорь Жовква Киев эвсэлд нэгдэх урилга хүлээж авахгүй бол Ерөнхийлөгч Зеленский НАТО-гийн дараагийн дээд хэмжээний уулзалтад очихгүй гэж мэдэгджээ.
Украин 2022 оны 9-р сарын 30-нд НАТО-д элсэх өргөдлөө өгсөн бөгөөд энэ 7-р сарын 11-12-нд Вильнюс хотод болох НАТО-гийн дээд хэмжээний уулзалтаар хариуг нь өгнө гэж найдаж байгаагаа тэр сануулав.
"Энэ хүсэлт НАТО-гийн холбоотнуудын удирдагчдын ширээн дээр байна. Вильнюсын дээд хэмжээний уулзалт энэ хүсэлтэд хариу өгөх сайн эхлэл болно. Бид гишүүнчлэлийн урилгыг хүлээж байгааа бөгөөд энэ нь зөвхөн эхний шат юм" гэж Жоквва хэлэв.
Түүний хэлснээр, "Вильнюс дахь дээд хэмжээний уулзалтаар НАТО-д элсэх хүсэлт үр дүнд хүрэхгүй бол Зеленскийд тийшээ явах шалтгаан, цаг зав байхгүй" гэжээ. Түүнчлэн өнгөрсөн онд Швед, Финланд улс НАТО-д элсэх хүсэлтээ гаргасан бол Хельсинки аль хэдийн тус холбоонд элссэн болохыг тэрээр онцолжээ.
Оростой дайтаж байгаа нөхцөлд энэ асуудлыг шийдвэрлэх боломжтой гэж Киев үзэж байна гэж Зеленскийн туслах хэлэв. Сөргөлдөөний үеэр Украин улс нь Атлантын далай дамнасан аюулгүй байдлын нэг хэсэг байх ёстой гэдгийг харуулсан. Бид та бүхнийг энэ процедурыг эхлүүлэхийг хүсч байна" гэж Жоква онцлов.
Дээд хэмжээний уулзалтад оролцох эсэх эцсийн шийдвэрийг Украины Ерөнхийлөгч уг арга хэмжээний өмнөх өдөр гаргах ёстой гэж тэр мэдэгдсэн байна.
Үүнээс өмнө Зеленский Вильнюс хотноо болох дээд хэмжээний уулзалтын үеэр Украин “нээлттэй хаалга” гэхээс илүү зүйлийг сонсохыг хүсч байна гэж мэдэгдсэн юм. Үүний зэрэгцээ өөрийн нутаг дэвсгэрт байлдааны ажиллагаа явагдаж байхад тус улс тус холбоонд нэгдэх боломжгүй гэдгийг Киев ойлгож байгаа гэж тэрээр нэмж хэлсэн.
НАТО-гийн Ерөнхий нарийн бичгийн дарга Йенс Столтенберг удахгүй болох дээд хэмжээний уулзалтаар Киевт тодорхой дохио өгч, НАТО дахь улс орны ирээдүйг тодорхой болгоно гэж амлав. Гэсэн хэдий ч Киевийг тус эвсэлд элсэх тухай утга учиртай ярилцах нөхцөл бол Оростой хийсэн дайнд Украин ялалт байгуулах явдал юм.
Харин Кремль Украины эсрэг дайны нэг зорилго нь түүнийг НАТО-д элсүүлэхгүй байх явдал гэж байгаа юм. "Учир нь энэ нь манай улсын аюулгүй байдалд ноцтой аюул учруулах болно" гэж ОХУ-ын Ерөнхийлөгчийн хэвлэлийн төлөөлөгч Дмитрий Песков хэлэв.
Эх сурвалж: Мoscowtimes.ru
