Өнөөдрийн УИХ-ын чуулганы нэгдсэн хуралдаанаар “Авлигатай тэмцэх үндэсний хөтөлбөр”-ийг хэлэлцэж байна. Энэ үеэр С.Ганбаатар гишүүн байр сууриа илэрхийлэв.
Тэрбээр “Энэ УИХ авлигатай чадлынхаа хэрээр тэмцэж байгаа. Нүүрсний асуудлаар УИХ-ын гишүүд шүгэл үлээсэн. Нүүрсний хэргийг АТГ дарж байна гэж би хардаж байгаа. Би “Авлигатай тэмцэх үндэсний хөтөлбөр”-ийг дэмжиж байгаа. Авлигатай тэмцэх газрын орон тоог нэмэгдүүлэхэд 2.6 тэрбум төгрөг, авлигатай тэмцэх чиг үүрэг бүхий төв байгуулахад 3.4 тэрбум төгрөг, орон нутагт салбар байгуулахад 2.5 тэрбум төгрөг, иргэд ТББ-уудыг оролцуулах тал дээр 140 сая төгрөг байна. Дүр эсгэж авлигатай тэмцэх гээд байна уу гэдэг асуудлыг эндээс анхаарч үзээсэй.
Авлигын хэргийг төр хийдэг. Шийдвэр гаргагчдын асуудал юм. Энэ чиглэлээр мэргэшсэн төрийн бус байгууллагуудыг оролцуулахад онцгой анхаарах хэрэгтэй. Төсөв дээр хийсэн анализ ийм байна.
Мянга мянган тонноор нь нүүрс ачсан хүнд даацын машин хилээр гарч байхад тагнуул, АТГ, хууль хүчний байгууллагууд таг байсан шүү” гэлээ.
