2023 оны 5-р сард олон нийтийн сүлжээгээр Оросын армийн сургалтын баазад сургуулилт хийж байгаа Балбын иргдийн видео бичлэгүүд гарчээ. Тэд Украины эсрэг сайн дураараа тулалдахаар шийджээ. Орост оюутны болон ажлын визээр ирсэн Балбачууд ингэж мөнгө олж, ОХУ-ын хялбаршуулсан иргэншилд хамрагдах боломжтой гэж мэдэгджээ.
Балбын цагаачлалын албаны мэдээлснээр, 2022 оны хоёрдугаар сараас хойш тус улсын 1729 иргэн ОХУ-д оюутны болон ажлын визээр очжээ. Тэдний хэд нь Оросын армид явсан нь тодорхойгүй байна.
Өөр нэгэн бичлэгт Балбчууд Оросын цэргийн ангитай гэрээ байгуулсан тухай гэрчилгээ, мөн өөрт нь 195 мянган рубль төлөхийг хүссэн мэдэгдэл нийтэлсэн байна. Энэ нь ойролцоогоор сад 2.3 мянган доллар гэсэн үг юм.
Гэхдээ зөвхөн балбачууд Украинд Оросын талд тулалдаж байгаа бус. Одоогооро ОХУ-ын армид гадаадын хэчнээн хөлсний цэргүүд байгаа нь тодорхой бус.
Учир нь 2022 оны хоёрдугаар сарын 24-ний өдрөөс хойш гадаадын хэдэн иргэн, аль улсаас Оросын армид элссэн тухай нарийн мэдээлэл хэзээ ч нийтэд ил болоогүй байна.
Дайн эхэлсний дараахан Оросын төрийн телевизээр Батлан хамгаалахын сайд Сергей Шойгугийн урилгаар Сирийн цэргийн албан хаагчид Орос руу явахад бэлэн болсон тухай хэд хэдэн удаа харуулсан. Харин тэд ирсэн эсэх нь тодорхойгүй байна.
2022 оны аравдугаар сард "Foreign Policy" сэтгүүл АНУ-ын засаг захиргааны эх сурвалжаас иш татан Орос улс Афганистанд цэргийн албан хаагчдыг элсүүлж байна гэж мэдэгджээ.
ВВС-ийн мэдээлснээр, 2023 оны зургадугаар сарын байдлаар Украины Зэвсэгт хүчинтэй хийсэн тулалдаанд Киргиз, Узбекистан, Тажикистан улсын 93-аас цөөнгүй иргэн амь үрэгджээ.
Бахмутын төлөөх тулалдааны үеэр Танзани, Замби улсын иргэд Вагнер-ын цэргийн бүрэлдэхүүнд тулалдаж байгаад амь үрэгдсэн нь одорхой болсон. Эдгээр хүмүүсийн дийлэнх нь Оросын колонд ял эдэлж байгаад дайнд татагджээ.
Эх сурвалж: ВВС
