Үндэсний их баяр наадмыг зохион байгуулах хорооноос мэдээлэл өгч байна.
Энэ жилийн наадмын тасалбарыг "Shoppy" компани хариуцаж, цахимаар худалдаалахаар болжээ. Хүргэлтийг Монгол шуудан компани хариуцан ажиллах аж. Ингэхдээ 11 болон 12-ны өдрийн тасалбар тус тусдаа ENAADAM.mn сайтаар худалдаалагдана.
7 дугаар сарын 11-ны өдөр Баяр наадмын нээлт, бөхийн барилдаан, Сүүдрэвчтэй нь 52.500, сүүдрэвчгүй нь 42000 төгрөг байна. 7 дугаар сарын 12-ны өдөр Бөхийн барилдаан, баяр наадмын хаалт, Сүүдрэвчтэй нь 52.500, сүүдрэвчгүй нь 42000 төгрөг байна.
Тасалбар цахимаар захиалахдаа дээрх сайтад заавал нэвтрэн орох шаардлагатай гэдгийг онцолж байлаа. Нэвтэрч ороод суухыг хүссэн сандалаа сонгоод захиална.
Анхаарах зүйлс:
-11, 12-ны өдөр наадам үзэх бол хоёр өдрийн тасалбар авах шаардлагатай.
-Нэг хүнд хоёроос дээш тасалбар авах боломжгүй. Нэг өдрийн тасалбараас хоёрыг л авна. Тэгэхээр 11, 12-ны өдөр 4 тасалбар авах боломжтэй гэсэн үг.
-Автомашины зөвшөөрлийг нэг хүн 5-ыг авах боломжтой. 21000 төгрөг байна.
-Хэрэглэгч суудлаа сонгосноос хойш нэг цагийн дотор төлбөрөө төлөх боломжтой.
-Тасалбарыг 7 дугаар сарын 1-5 хүртэл цахимаар борлуулагдаж, 7 дугаар сарын 1-10 хүртэл хаягаар хүргэж өгч үйлчилнэ.
-Тасалбарын тоо цөөн тул ачаалал үүсэхээс сэргийлж тасалбар борлуулж эхэлхээс өмнө ENAADAM.mn сайтад өөрийн бүртгэлээ үүсгээд, нэвтрэх мэдээллээ бөглөсөн байх
-Төлбөрөө дансаар хийх шаардлагатай.
