ОХУ-ын Ерөнхийлөгч Владимир Путин 6-р сарын 27-ны мягмар гарагт бослогын үеэр хэв журам сахиулах үүрэг гүйцэтгэж байсан Батлан хамгаалах яам, Оросын гвард, Холбооны аюулгүй байдлын алба, Дотоод хэргийн яам зэрэг хүчний байгууллагын албан хаагчдад хандан үг хэлэв.
Тэрээр "Эмх замбараагүй байдлыг таслан зогсоож, цэрэг, хууль сахиулахын ажилтнууд иргэний дайныг үнэхээр зогсоосон гээд Оросын ард түмэн, Зэвсэгт хүчин босогчдыг дэмжээгүй гэдгийг Ерөнхийлөгч онцолжээ.
Зэвсэгт хүчин, хууль сахиулах байгууллага, тусгай албаны бүх бие бүрэлдэхүүн Оросын ард түмэнд үнэнч байгаад талархаж байна гэж Ерөнхийлөгч Владимир Путин хэлжээ.
Бослогын үеэр аюулгүй байдлын албаныхан шуурхай, зөв шударга ажилласан нь энгийн иргэдийг хохироохгүй байх боломж болсныг төрийн тэргүүн тэмдэглэв.
Тэрээр үймээн самууны улмаас Оросын Зэвсэгт хүчин Украин дахь цэргийн тусгай ажиллагааны бүсээс байлдааны ангиудаа гаргах шаардлагагүй байсан гэж онцолжээ.
Путин зургадугаар сарын 24-ний үймээний үеэр амиа алдсан нисгэгчид чухал үүрэг гүйцэтгэж өгөгдсөн даалгаврыг нэр төртэй биелүүлсэн гэдгийг төрийн тэргүүн онцлоод тэдний дурсгалыг хүндэтгэж нэг минут чимээгүй зогссон байна.
Эх сурвалж: Лента.ру
