Ерөнхий сайд Л.Оюун-Эрдэнэ БНХАУ-т албан ёсны айлчлал хийж байгаа билээ. Энэхүү айлчлал нь улс төрийн болоод эдийн засгийн сэргэлтийн талаасаа хүлээлт үүсгэж байсан юм. Монгол улс цаашид хоёр хөрштэйгээ илүү ойлголцож байж хөгжих талаар улс төр судлаачид хэлдэг тэгвэл тус айлчлалын эерэг үр дүнгүүд эхнээсээ гарч байна. Үүнд:
- Хятадын шинэ Ерөнхий сайдын хүлээн авч буй хамгийн анхны албан ёсны гадаад айлчлал болж байна.
- Монгол улсын “Шинэ сэргэлтийн бодлого”, “Алсын хараа 2050” урт хугацааны хөгжлийн стратегийг Хятадын “Бүс ба Зам” зэрэг хөрөнгө оруулалт, бүтээн байгуулалтын гол бодлого, стратеги төлөвлөгөөтэй уялдуулах талаар бодлогын тохиролцоонд хүрэв.
- Боомт болон хил дамнасан төмөр замын бүтээн байгуулалт, ялангуяа Гашуунсухайт, Ханги, Шивээхүрэн, Бичигт зэрэг боомтыг хоёр оронд харилцан ашигтайгаар багцлан хөгжүүлэх “Эрдсийн хойд хаалга” ойлголтыг Ши Жинпинь даргатай ярилцаж харилцан ойлголцсон.
- Ерөнхий сайдын айлчлалын үеэр Монгол, Хятадын бизнесийн 50 байгууллага, компаниуд худалдаа, хөрөнгө оруулалт хамтын ажиллагааны хүрээнд 3.1 тэрбум юань буюу 420 гаруй сая ам.долларын гэрээнд гарын үсэг зурлаа. Худалдаа хөрөнгө оруулалтын 10 салбарыг хамарчээ.
- Хятадын Ардын банкны своп хэлцлийг сунгахаар тохиролцлоо.
