Пригожин ба түүний дайчид одоо хаана байгаа нь тодорхойгүй байна. 6-р сарын 24-ний Бямба гарагийн орой Вагнер хувийн цэргийн компанийн /ХЦК/ эзний хөлөглөсөн жийп Ростов-на-Дону хотыг орхисон боловч үүний дараа түүнд юу тохиолдсоныг хэн ч мэдэхгүй. Песков "Ерөнхийлөгчийн үг (бямба гарагийн өглөө хэлсэн шийтгэнэ гэж заналхийлсэн үг) Пригожины Беларусьт очих баталгаа болно гэж хэлсэн.
"Вагнер"-ийг үүсгэн байгуулагч Беларусь руу ямар зэрэглэлээр явсан нь тодорхойгүй байна. Анхаарал татах асуултуудын нэг нь түүний олон тооны бизнесийн их хэмжээний хөрөнгийн хувь заяа. Тухайлбал, Конкорд компани, бизнесментэй холбоотой хэвлэл мэдээлэл, Оросын армид хоол хүнс нийлүүлэх гэрээ гэх мэт. Пригожины нэг танил нь ВВС-д ярилцлага өгөхдөө бизнесмэний хөрөнгийг тэд ямар нэгэн байдлаар авах болно, тэр өөрөө Беларусьт үлдэхгүй, жишээлбэл Африк руу явах магадлалтай гэж үзэж байна гэжээ.
Үүний зэрэгцээ, одоо хэн ч бизнесмэний хувь заяаны талаар үнэн зөв таамаглал гаргахгүй байх гэж ярилцагч онцолж байна. Энэ тэгшитгэлд үл мэдэгдэх олон зүйл бий. Түүнийг урвагч гэж нэрлэсэн Владимир Путины буруутгалыг Пригожин буцааж чадна гэж таамаглахад хэцүү.
Үймээнд оролцогчдод юу тохиолдсоныг бид бас мэдэхгүй. Тэд хаана байгаа нь тодорхойгүй хээрийн хуарандаа үнэхээр буцаж ирсэн үү? Эсвэл Пригожинтэй хамт Беларусь руу явсан уу? Аль эсвэл тэд Оросын бүс нутагт хэвээр байна уу? Бослогод оролцоогүй Вагнерын дайчдын хувь заяа бас яах нь тодорхойгүй байна.
Пригожингийн эсрэг үүсгэсэн хэргийн хувь заяа бас эргэлзээ төрүүлж байна. Кремль үүнийг хаах болно гэж амласан. “Пригожинд холбогдох эрүүгийн хэргийг хэрэгсэхгүй болгох шийдвэрийг хэрэгжүүлэх шалтгааныг харах нь маш сонирхолтой байх болно. Үүний тулд ямар шалтгаан гаргаж ирэх вэ? Гэмт хэргийн бүрэлдэхүүнгүй болох нь гэнэт тогтоогдсон... Эсвэл гэмт хэрэг огт гараагүй гэдэг ч юм уу...
Даваа гарагийн өглөө гэхэд Коммерсант, РИА Новости, ТАСС, Интерфакс зэрэг агентлагийн эх сурвалжууд Холбооны аюулгүй байдлын алба мөрдөн байцаалтын ажиллагаа явуулж буй Пригожинд холбогдох хэргийг одоог хүртэл хаагаагүй гэж бараг нэгэн зэрэг мэдээлсэн.
Эрх баригчид одоо бас нэгэн ноцтой асуудалтай тулгараад байна. Тэр нь юу гэвэл бослогын үеэр Пригожиныг дэмжигчид Оросын хэд хэдэн цэргийн (зарим тооцоогоор 20 орчим хүн) амь насыг хороожээ. "Эх оронч" сувгуудаар ийм явдлыг ял шийтгэлгүйгээр орхих боломжгүй гэж ярьж байна. Харин Кремль болон хүчнийхэн үүнийг хэрхэн хүлээж авахыг мэдэхгүй.
Төрийн эргэлт хийх оролдлого, Оросын армийн цэргийн амь насыг хөнөөсөн хэргээр "хэт даврах" хэрэг 30 гаруй жилийн хорих ялтай.
"Эрх баригчид Владимир Кара-Мурзад 25 жилийн хорих ял оноож болох ч Москва, Ростовт бослого, төрийн эргэлт хийхийг оролдсон хууль бус бүлгээс хамгаалах чадвар Кремльд огт байхгүй" гэж ВВС-гийн ойрын ярилцагч хэлжээ.
Хоёр дахь чухал асуудал бол Вагнерийн цэргүүдийн цаашдын хувь заяаны тухай юм. Пригожины зохион байгуулсан босолого буюу "шударга ёсны марш"-ид Вагнерийн 25 мянган дайчид оролцсон. Мөн бослогын гадна дахиад 25 мянган цэрэг байгаа гэдгээ Пригожин өөрөө хэлсэн.
Кремлийн хэвлэлийн төлөөлөгч Песков хэлэхдээ "Бослогод оролцсон Вагнерийн цэргүүдийн Украинд тулалдсан гавьяаг харгалзан үзэж тэднийг яллахгүй тайван үлдээхээ" илэрхийлиээд буй. Харин бослогод оролцоогүй цаана үлдсэн 25 мянган дайчидтай БХЯ гэрээ байгуулна гэж мэдэгдээд буй.
Тус бүлэглэлийн дайчид одоогоор хээрийн хуарандаа байгаа гэсэн эх сурвалжийн мэдээлэл бий. Бослогын дараа Пригожин шинэ аудио мессеждээ Беларусийн Ерөнхийлөгч Лукашенко "Вагнерийн цаашдын үйл ажиллагааг хуулийн хүрээнд шийдвэрлэх шийдлийг олохыг санал болгов" гэжээ. Гэхдээ энэ үгнээс хөлсний цэргийг ирээдүйд яг хүлээж байгааг тодорхойлох боломжгүй юм.
Эх сурвалж: ВВС
