Сайн байцгаана уу? Моринд хайртай Монголын ард түмэн минь!

Сайн байцгаана уу? Моринд хайртай Монголын ард түмэн минь!

Л.Аваасүрэн ахын гэр бүл, бэр эгч М.Туяагийн эмчилгээний зардалд зориулсан Сүхбаатар аймаг Баяндэлгэр сум ААУяач, Алтан Унаганы эзэн, Хамба Лам Л.Амарсайханы "Даргын Ногоон" хэмээх хурдан угшилтай унаган адууны 10 гүүний 100% Хандивын Хонжворт Сугалаанд оролцохыг та бүхнээсээ хүсэж байна!

Даргын ногоон хэмээн алдаршсан азарганы жинхэнэ гал голомтын, унаган тамгатай, удам угшил ханасан 10 тооны гүүнүүдийн дэлгэрэнгүй мэдээлэл ба зургуудыг доорх хэсгээс гүйлгэж харна уу!

Сугалааны талаархи илүү дэлгэрэнгүй мэдээллийг Өлзий ТВийн "Өглөө" хөтөлбөрөөр шууд нэвтрүүлэг болон лайваар :

3-р сарын 31-ний Пүрэв гарагт өглөөний 09:00 цагаас Монгол улсын Зууны Манлай Уяач МУТМУ Д.Даваахүү, Хурдан морь тайлбарлагч М.Оюунбаатар нар.

4-р сарын 4-ний Даваа гарагт өглөөний 09:00 цагаас олноо Жамбага хэмээн алдаршсан МУАУяач Ц.Жамбалсүрэн, Хурдан морь тайлбарлагч Б.Ганпүрэв нар дэлгэрэнгүй мэдээлэл тус тус өгөх болно.

Cугалаанд оролцох морьдын удам угшлын талаар дэлгэрэнгүй мэдээллийг Хурдан Морь Тайлбарлагч М.Оюунбаатар "Ажнай" Хурдан морь сонирхогчидын фейсбүүк группт, Хурдан морь тайлбарлагч Б.Ганпүрэв Хурдан морь сонирхогчдын "Хийморь" фейсбүүк группт лайв хийж хүргэх болно.

1. Хар гүү

Нас: 7

1.1. Хар гүүний эцэг нь: Л.Аваажигмэдийн Хар азарга. Хар азарганы эцэг нь Сүхбаатар аймгийн Мөнххаан сумын ААУ “Бураа” хэмээх Ж.Пүрэвжавын адууны угшилтай Хээр азарга. Хар азарганы эх нь “Даргын ногоон” азарганы угшилтай Хар гүү. Хар азарга нь 7 нас хүртлээ уягдаж, Сүхбаатар аймгийн Баяндэлгэр сумын наадамд дөрвөн түрүү, Дорноговь аймгийн Дэлгэрэх суманд нэг удаа аман хүзүүнд хурдалсан хурдан ажнай.
1.2. Хар гүүний эх нь: Сүхбаатар аймгийн Түвшинширээ сумын Аймгийн алдарт уяач С. Арилдын аав Санжаажавын адууны угшилтай Хээр гүү.
1.3. Хураагдсан азарга: “Билгүүн хээр” азарга нь алдарт “Монгол хээр”, “Дүү Хээр” азаргатай эцэг нэгтэй бөгөөд Түвшинширээ сумын ААУ Д.Пүрэвдоржийн хөгшин Хээр азарганы төл юм. Билгүүн хээр азарганы төлөөс “Даргын ногоон” азарганы эхтэй Л.Амарсайханы “Үүлэн бор” азарга нь одоо цагт ид хурдалж байна.
“Билгүүн Хээр” азарганы эх нь Хэнтийн Галшарын Аюурзанын адууны угшилтай Цагаан гүү. 

2. Буган гүү

Нас: Хавчиг 6

• Буган гүүний эцэг нь: “Даргын ногоон” азарганы 3 дахь үеийн “Бөгөн хар” азарга. Бөгөн харын эх нь “Ширээтийн цагаан” адууны угшилтай Бор гүү. “Бөгөн хар” азарганы төл Гарьд замын МУАУ Н.Батбаярын Хар даага 2015 оны Увс аймгийн баруун бүсийн наадамд аман хүзүүнд хурдалсан.

• Буган гүүний эх нь: МУТМУ С.Төмөр-Очирын алдарт “Шуурган зээрд”-тэй эцэг нэгтэй Хар гүү.

• Хураагдсан азарга нь: Төв аймгийн Баян-Өнжүүл сумын МУАУ Ц.Жамбалсүрэнгийн “Сүлд хүрэн” азарганы төл Хүрэн азарга.

3. Сартай хүрэн гүү

Нас: Хавчиг 6

3.1. Сартай хүрэн гүүний эцэг нь: “Даргын ногоон” азарганы 3 дахь үе “Бэлбэсэн зээрд” азарга. Зээрд азарганы эх нь Сүхбаатар аймгийн Халзан сумын МУАУ “Жаахан” хэмээх Болдын Лхамсүрэнгийн адууны Хар гүү. “Бэлбэсэн зээрд” азарганы төл Төв аймгийн Баянцагаан сумын харьяат Мөрнэрэнгийн Энхсайханы “Хөх цавьдар” нь 2011 онд АХ-н 90 жилийн ойн улсын баяр наадамд айргийн тав, 2012 оны Өмнөговь аймгийн говийн бүсийн наадамд соёолон азарга айргийн гуравт хурдалсан.

3.2. Сартай хүрэн гүүний эх нь: Өсгий цагаан Зээрд гүү. Зээрд гүүний эх нь Төв аймгийн Баянцагаан сумын Дашийн Цэрэндондогийн Зээрд халзан гүү. Энэ халзан гүү нь улсын баяр наадамд 1973 онд түрүү, 1974 онд аман хүзүүдсэн Төв аймгийн Баянцогт сумын “Улаан нүдэн” хэмээх Дамдинсүрэнгийн Зэгэл азарганы угшилтай. Өсгий цагаан зээрд гүүний эцэг нь Сүхбаатар аймгийн Онгон сумын ААУ С.Ганболдын 1990 оны Алтан овооны их тахилгат наадамд айрагдсан Халиун азарганы угшилтай Цавьдар азарга.

3.3. Хураагдсан азарга нь: “Аварга халиун” азарга. Халиун азарга нь Сүхбаатар аймгийн аварга хүлэг шалгаруулах “Жавхлант шарга” уралдаанд 2009, 2010, 2011 онуудад гурван жил дараалан айрагдсан онцгой амжилтын эзэн юм. Сум орон нутагтаа 10 гаруй удаа айраг, түрүү аван хурдалсан ажнай.
“Аварга халиун” азарга нь Сүхбаатар аймгийн Баяндэлгэр сумын Гомбодоржийн Цэндээгийн унаган улсын бүсэд гурван удаа айрагдсан Н.Даваанямын хурдан Бор морьтой угшил нэгтэй юм

4. Хөх цавьдар гүү

Нас: Хавчиг

• Хөх цавьдар гүүний эцэг нь: МУМУ Д.Гарамжав агсаны “Тогоруу халтар” азарганы төлийн төл Хүрэн халзан азарга.

• Хөх цавьдар гүүний эх нь: Улс, бүсийн наадамд айрагдсан Мөрнэрэнгийн Энхсайханы “Хөх цавьдар”-ын төрсөн дүү хүрэн зээрд гүү.

• Хураагдсан азарга нь: Л.Амарсайханы “Үүлэн бор” азарганы төрсөн ах “Том бор” азарга. Даага, шүдлэндээ Жавхлант шарга, Хутагтын наадмуудад аравын дотор орж хурдалж байсан.

5. Улаан шарга гүү

Нас: 8

5.1. Шарга гүүний эцэг нь: “Майга халиун” азарга. “Майга халиун” нь авга дүү Аймгийн алдарт уяач Тэрбишийн Амарсайны унаган адуу. Халиун азарганы эцэг нь орон нутагт олон түрүүлсэн С.Нямдоржийн Хонгор азарганы төлийн төл. Халиун азарганы эх шарга гүү нь Д.Оргойн хурдан Хонгор азарганы угшилтай, Тэрбишийн Амарбатын Буган азарганы төрсөн эгч. Сүхбаатар аймгийн Уулбаян сумын ААУ Эрдэнэ-Очирын Одонгоогийн хурдан “Жигүүр хээр” азарга энэ угшилд хамрагдана. Халиун азарганы төлүүдээс Л.Аваадоржийн халиун морь одоо хурдалж байна.

5.2. Шарга гүүний эх нь: Дорноговийн Банди тайж угшилтай Шарга гүү.

5.3. Хураагдсан азарга нь: “Алтан ширээ” хонгор азарга. Энэ хонгор азарга нь Боржигоны их уяач (онгон) Адилбишийн Зул хонгор азарганы угшилтай

6. Зээрд гүү

Нас: Соёолон

• Зээрд гүүний эцэг нь: МУМУ Д.Гарамжав агсаны “Тогоруу халтар” азарганы төлийн төл Хүрэн халзан азарга.

• Зээрд гүүний эх нь: Дарьгангын Төмөрийн Ухаа, Аварга зээрд угшилтай гуулин Зээрд гүү.

• Хураагдсан азарга нь: Уулбаяны “Далиу ногоон” эцэгтэй, “Дүйдэнгийн хар”-ын эхтэй “Хадагт хар” азарга. Сумын баяр наадамд 2 удаа айрагдаж, 2017 оны Зүүн бүсийн хурдад 12-т хурдалж байсан.

7. Алаг халзан байдас

Нас: Хязаалан

• Алаг халзан байдасны эцэг нь: Халзангийн Халтар адууны угшилтай Хээр азарга

• Алаг халзан байдасны эх нь: Баадуу угшилтай Алаг гүү

• Хураагдсан азарга нь: “Гарьд хонгор” азарга. “Гарьд хонгор”-ын эцэг нь Хонгор азарга. Түүний эх нь морин тойруулгын Сохор ухаа азарганы төл. Сохор ухаа азарга нь Солонго цавьдарын төл. Солонго цавьдар нь Алдарт Их салхины төл. Хонгор азарганы эцэг нь Авзагын Мэндбаярын Хар морины эцэг. Гарьд хонгорын эх нь: МУМУ Сүрэнхорын Оосордагвын Ногоон азарганы төлийн төл гүү.

8. Хээр гүү

Нас: 7

• Хээр гүүний эцэг нь: “Орлой хонгор” угшилтай “Эрдэнэцагаан хүрэн” азарга.

• Хээр гүүний эх нь: Дундговь аймаг Эрдэнэдалай сумын МУАУ Дагвын Цогтбаярын улсын бүсэд айрагдсан хурдан Буурал азарганы төл буурал гүү.

• Хураагдсан азарга нь: “Маягт хар” азарга. Түүний эцэг нь “Даргын ногоон” угшилтай сум орон нутагт 4 түрүүлсэн Л. Аваажигмэдийн Хар азарга. “Маягт хар”-ын эх нь Асгатын Махбуриад угшилтай Цагаан гүү

9. Ягаан байдас

Нас: Хязаалан

• Ягаан байдасны эцэг нь: “Дарьганга зээрд” азарга. Зээрд азарга нь С.Пүрэвийн “Далиу хээр”-ийн угшилтай. Энэ угшилд “Жавхлант шарга”-т айрагдсан Мөлүү ухаа азарга, Улс, бүсэд айрагдсан МУАУ Цэндийн Бямбадоржийн “Мөнгөн хөлт” Хээр азарга хамрагдана.

• Ягаан байдасны Эх нь: Хөнхөр Жамьянгийн “Тонгоон” адууны угшилтай Ягаан гүү.

• Хураагдсан азарга нь: Даргын ногооны 4 дэх үе буюу "Бөгөн хар"-ын төл “Эмнэг халтар” азарга. Халтар азарганы эх нь Эрдэнэцагаан суманд 10 түрүүлсэн алдарт Гомбын Ухаа азарганы угшилтай Хонгор халзан гүү

10. Хүрэн буурал гүү

Нас: Соёолон

• Буурал гүүний эцэг нь: Л. Аваадоржийн Будан азарга. Түний эцэг нь Даргын ногоон угшилтай Л. Аваажигмэдийн Хар азарга. Эх нь Дарьгангын “Тожин” угшилтай Буурал гүү. Л.Аваадоржийн Будан азарга нь сум орон нутгийн наадмаас олон удаа айраг, түрүүг хүртэж, “Жавхлант шарга” уралдаанд 2010 онд долоо, 2011 онд ест хурдалсан.

• Буурал гүүний эх нь: Дорнод аймгийн “Барга” адууны угшилтай Хээр гүү.

• Хураагдсан азарга нь: “Жавхлант шарга” уралдаанд гурван жил дараалан айрагдсан Л.Амарсайханы “Аварга халиун” азарга