Монгол Улсын Засгийн Газраас хэрэгжүүлж буй “Шувуу” ажиллагааны хүрээнд Мөрдөн шалгах ажиллагаанаас гадаад улс руу оргон зайлсан, интерполоор эрэн сурвалжилж, гадаад улсаас буцаан авчрах 42 хүний нэрийг Хууль зүй, дотоод хэргийн сайд Х.Нямбаатар зарлаж байсан.Шувуу ажиллагааны хүрээнд авлига, албан тушаалын гэмт хэрэгт шалгагдаж байгаад оргон зайлсан хүмүүсийг авчрах бүх талын арга хэмжээг авч ажиллаж байгаа талаар мэдээлж байсан юм.
Тэгвэл эдгээр хүмүүсийн тоонд багтсан Угалз овгийн Жамъянгаравын Отгонбаатарыг БНТУ-аас авчирч цагдан хорих 461 дүгээр ангид хүлээлгэн өгчээ.
Баянгол дүүргийн Эрүүгийн хэргийн анхан шатны шүүхийн шүүгчийн 2019 оны 03 дугаар сарын 27-ны өдрийн 535 дугаартай захирамжаар эрэн сурвалжлагдаж байгаад Бүгд Найрамдах Турк Улсын Дотоод хэргийн яамны Цагаачлалын албаны харьяа “Кожа-Элийн” албадан буцаах төвд саатуулагдсан шүүгдэгч Угалз овгийн Жамъянгаравын Отгонбаатарыг 2023 оны 06 дугаар сарын 25-ны өдөр хүлээн авч Монгол Улсад 2023 оны 06 дугаар сарын 26-ны 05 цагт МУ-д хуяглан авчирсан ба Шүүгдэгч Ж. Отгонбаатарыг шүүгчийн захирамжийн дагуу цаашид цагдан хорих таслан сэргийлэх арга хэмжээ авсан болно.
