Туул голын усанд осолдсон 17 настай эрэгтэйн цогцсыг гаргажээ.
Нийслэлийн Налайх дүүргийн 1 дүгээр хороо, “Сайханы саравч” гэдэг газар Туул голд цогцос байна гэсэн дуудлагыг 06.26-ны өдрийн 16:45 цагт хүлээн авсан. Тус дүүргийн Онцгой байдлын хэлтсийн Эрэн хайх, аврах бүлгийн алба хаагчдыг очиход иргэн Ч/17 настай, эрэгтэй/-ийн цогцсыг “Туул” голын уснаас 17:40 цагт гарган тус дүүргийн Цагдаагийн хэлтсийн мөрдөн байцаагчид шилжүүлж өгсөн. Мөн тухайн иргэнтэй цуг явж байсан Э /20 настай, эрэгтэй/ нь таталт өгч ухаан алдсан байсныг эмнэлгийн анхан шатны тусламж үзүүлэн нийслэлийн түргэн тусламжийн төвийн бүрэлдэхүүнд хүлээлгэн өгсөн.
