“Гацуурт” ХХК-ийн Гүйцэтгэх захирал Л.Чинбатыг яллагдагчаар татах саналыг прокурорт хүргүүлсэн байна.
Тодруулбал, Сэлэнгэ аймгийн цагдаагийн газраас иргэн Л.Чинбатад холбогдох үйлдлийг шалгаад яллагдагчаар татах саналыг тус аймгийн Прокурорын газарт хүргүүлсэн гэж ЦЕГ-аас мэдээлжээ.
Л.Чинбат нь Сэлэнгэ аймгийн Зүүнбүрэн, Цагааннуур сумын заагт морьтой хоёр, мотоциклтой нэг хүнийг машинаараа хөөж дайрсан гэх мэдээлэл бий. Холбогдох бичлэг нь цахим орчинд түгсэн билээ.
