Үндэсний бөхийн журамтай холбоотой салбар комисс өнөөдөр мэдээлэл хийлээ. ХЗДХЯ-ны ТНБД П.Сайнзориг "Допингийн шинжилгээний хариу ирсэний дагуу нэр бүхий бөхчүүдэд хариуцлагын арга хэмжээ авагдсан гэж ойлгож байгаа. Улсын арслан Э.Оюунболдод хариуцлага тооцсон гэж сонссон. Энэ бөх наадмаар барилдах боломжгүй гэсэн үг.
Өнгөрсөн жил 1024 бөхөөс нэг бөх буюу Улсын харцага Т.Бэгзсүрэнгээс допинг илэрсэн. Салбар хороо хуралдаад дөрвөн жилээр барилдах эрхийг нь хассан. Т.Бэгзсүрэн шүүхэд хандаад байгаа юм билээ." гэв.
