Финландын батлан хамгаалахын зардал 4.8 тэрбум ам.долларт хүрсэн нь сүүлийн 60 жилд байгаагүй өндөр үзүүлэлт юм
Финланд улс 2022 онд НАТО-д элсэх хүсэлтээ гаргаж, 2023 оны дөрөвдүгээр сард тус холбоонд элссэн. Үүнтэй холбогдуулан эрх баригчид батлан хамгаалахын төсвөө идэвхтэй нэмэгдүүлж эхэлсэн бөгөөд зарлага нь өнгөрсөн жилтэй харьцуулахад 36 хувиар нэмэгдэж, 4.8 тэрбум долларт хүрчээ.
Ингэснээр энэ салбарын зардал ДНБ-ий 1.7 хувийг эзэлж байна. 2023 онд тус улсын эрх баригчид энэ үзүүлэлтийг нэмэгдүүлж, хоёр хувьд хүргэхээр төлөвлөж байна, учир нь энэ нь НАТО-гийн гишүүн орнуудын жишиг болж байна.
2022 онд батлан хамгаалахын зардлын гуравны нэгийг шинэ зэвсэг худалдан авахад зарцуулжээ. Тодруулбал, сөнөөгч онгоц, пуужингийн довтолгооноос хамгаалах систем худалдаж авсан байна.
Түүнчлэн Финлянд улс Аланд арлуудал зэвсэг техникийн бааз байгуулахаар төлөвлөж байгаа тухай өмнө нь мэдээлж байсан юм.
Эх сурвалж: Лента.ру
