УИХ-ын гишүүн Ш.Адьшаа, "Зөвхөн ОХУ-аас шатахуун оруулж ирдгийг болиулах ёстой! Нэг хүнд зориулсан онцгой албан татварын хууль байж болохгүй!" хэмээн байр сууриа идэрхийллээ.
Тэрбээр, "Нэг компанид зориулсан, нэг хүнд зориулсан хууль гэж байхгүй. Манай улсын шатахууны зах зээл ганц ОХУ-аас хамааралтай байна. ОХУ-ын шатахуун нийлүүлдэг компани манайд хэдхэн бий. Энэ компаниудад давуу эрх олгосон байна гэдгийг ҮХЦ баталсан. Үүнийг үндэслэлтэй гэж үзэж байна.
Хуурамч шатахуун гэж нэг юм яриад байна. Хэн ч нотлоогүй зүйл. Барууны технологийг нэвтрүүлэх гэхээр онцгой албан татвар тавин, Монголд оруулж ирэх хууль эрхзүйн орчныг нь үгүй болгосон байгаа юм. Дэлхийн зах зээл дээр, түүний дотор ОХУ-ын нефть бүтээгдэхүүн хамгийн доод түвшнийх. Гэтэл өнөөдөр Монголын зах зээл дээр өндөр үнээр зарагдсаар л байна. Ард иргэдэд чухам юу хэрэгтэй байна гэвэл ОХУ-ын байна уу, АНУ-ын байна уу хамаагүй баталгаатай, хямд бүтээгдэхүүн л хэрэгтэй байна. Хэрэглэгч хаан" гэсэн юм.
