Албан үүргээ гүйцэтгэж байсан цагдаагийн алба хаагчийг мөргөж, хэргийн газраас зугтсан Хан-Уул дүүргийн харьяат 17 настай "Ж"-г олж тогтоон шалгалтын ажиллагааг үргэлжлүүлж байна.
"Хан-Уул дүүргийн 21 дүгээр хороо "Нисэхийн аюулгүйн тойрог дээр албан үүргээ гүйцэтгэж байсан цагдаагийн алба хаагч “Э”-г мотоциклтой хүн мөргөөд зугтсан" гэх дуудлага өнөөдөр 11:25 цагт бүртгэгдэж, Тээврийн цагдаагийн алба шалган эрэн сурвалжилж байсан юм.
Мотоциклтой хүнд мөргүүлснээс үүдэн цагдаагийн алба хаагчийн толгой болон нуруу гэмтсэн тул эмнэлэгт хүргэсэн байна.
Эх сурвалж: ЦЕГ
