Украины ерөнхийлөгч Зеленский Украины сөрөг довтолгоо эхэлснээс хойш хэдхэн долоо хоногийн дараа тулааны талбарт урагшлах явц "Хүсч байснаас удаан" байгааг хүлээн зөвшөөрав.
"Зарим хүмүүс үүнийг Холливудын кино шиг хүлээж аваад яг одоо ийм үр дүнг нь хүлээж байна. Гэвч энэ бол тийм биш" гэж тэр BBC-д ярьжээ.
Мөн Украины тал сөрөг довтолгооны үеэр Запорожье, Донецк мужуудын найман сууринг чөлөөлж чадсан гэж мэдэгджээ. Украины Батлан хамгаалах яамны мэдээлснээр, нийтдээ Украины арми фронтын шугамаас 7 км хүртэл гүнд давшиж байгаа бөгөөд өмнөд хэсгийн 113 хавтгай дөрвөлжин км газар нутгийг чөлөөлөөд байна.
Оросын арми Украины нутаг дэвсгэрийн 200 мянган хавтгай дөрвөлжин км талбайг эзэлсэн тул довтолгоо амаргүй гэж Зеленский тайлбарлав.
Украинд сөнөөгч онгоц, алсын тусгалтай пуужин зэрэг шаардлагатай зэвсгийг нийлүүлэхээс холбоотнууд татгалзаж байгаа тул хурдан бөгөөд үр дүнтэй сөрөг довтолгоонд найдах нь хэцүү болно гэдгийг цэргийн шинжээчид анхааруулсаар байгаа юм.
Эх сурвалж: ВВС
