Орон сууцны ипотекийн зээлийн хөтөлбөрийг Барилга, хот байгуулалтын яаманд шилжүүлэхээр ажиллаж байна.
Монголбанк УИХ-аас баталсан Төрөөс мөнгөний бодлогын талаар 2023 онд баримтлах үндсэн чиглэлд туссан зорилтуудыг хэрэгжүүлэхээр ажиллаж байна.
Энэ бодлогод орон сууцны ипотекийн зээлийн санхүүжилтийн тогтолцоог олон улсын сайн туршлагын дагуу бэхжүүлж, хөтөлбөрийг Монголбанкнаас Засгийн газарт энэ оны хоёрдугаар улиралд багтаан шилжүүлэх асуудлыг тусгасан юм. Төв банк энэ чиглэлээр Сангийн яам болон Барилга, хот байгуулалтын яамтай хамтран ажиллаж байна.
