Азийн спортын 19 дэх наадам 9 дүгээр сарын 23-нд эхэлж, 10 дугаар сарын 8-нд өндөрлөнө.
Энэ удаагийн спортын наадам Хятадын зүүн нутгийн Жэжян мужийн Ханжөү, Нинбо, Вэньжөү, Жиньхуа, Шаошин, Хүжөү гэсэн 5 хотод болох юм. Наадам эхлэхэд яг 100 хоног үлдсэн гэсэн үг. Зохион байгуулах комисс тэмцээн зохиогдох 56 заал, талбайг хүлээн авсан байна. БНХАУ-ын Ханжөү хотын дарга Яо Гаоюань хэлэхдээ, "Тэмцээний 56 талбайн 12-ыг нь шинээр барьж, бусад газрыг сэргээн засварлах ба түр барьж байгуулж байна. Заал талбайг хүлээж авах хяналт шалгалтыгн ажлыг дуусгаж, тоглолтын өмнө олон нийтэд нээлттэй болголоо" гэжээ.
Азийн усанд сэлэлтийн холбооны ерөнхий нарийн бичгийн дарга Таха Сулайман Аль Кишри тэмцээн зохиох талбайн өвөрмөц хэлбэр, дэвшилтэт ухаалаг тоног төхөөрөмжийг өндрөөр үнэлэн, "Азийн 19 дэхь наадмын үеэр усанд сэлэлтийн түүхэнд хамгийн гайхамшигтай тэмцээнүүдийн нэг болно гэдэгт итгэж байна" гэсэн байна. Г.Бямба
