Хөгжлийн банкны дэд захирал, хуульч Ж.Эрхэмбаатар өөрийн хүсэлтээр ажлаа хүлээлгэн өгчээ. Түүнийг өнгөрсөн хоёрдугаар сард тус банкны Төлөөлөн удирдах зөвлөлөөс томилсон юм.
Тэрбээр ажлаа өгч буй шалтгаанаа тайлбарлахдаа "2022 оны дөрөвдүгээр сарын 29-ний өдрийн Төрийн хэмнэлтийн тухай хуулийг хэрэгжүүлэн, мөн хуулийн 5 дугаар зүйлийн 5.1 дэх хэсгийн үндэслэн, Монгол Улсын Хөгжлийн банк-ны Үйл ажиллагаа хариуцсан дэд захирлын ажлыг өөрийн хүсэлтээр хүлээлгэн өглөө" гэжээ.
