Монголын Өмгөөлөгчдийн холбооны өмгөөлөгч О.Батхүү:
Иргэд аливаа том банк, байгууллагын эсрэг шүүхдэхэд үнэхээр хүчин мөхөстдөг. Тиймээс Шударга өрсөлдөөн хэрэглэгчийн төлөө газар маш сайн ажиллаж байна. Бид гомдол гаргахад хүлээж авдаггүй, шалгалт хийх гэхээр эрх нь байдаггүй.
Зээлдэгчид өнгөрсөн хугацаанд авсан 1 хувийн шимтгэлээ буцаан олгох ёстой, цаашид шимтгэл авахдаа үндэслэлийг тусгах ёстой гэж шүүх шийдсэн. Маргаан хараахан эцэслэгдээгүй ч иргэдэд нэг хувийн шимтгэлийг буцаан олгох хүртэл явах болно. Энэ бол зөвхөн ипотекийн зээлтэй холбоотой шалгалтын дүн юм.
Банкууд 1 хувийн шимтгэл авах нь Хэрэглэгчийн эрх ашгийг хамгаалах тухай хууль, Өрсөлдөөний тухай хууль, Иргэний тухай хууль зэргийг тус тус зөрчиж байна.
Иргэн арилжааны банкнаас 10 сая төгрөгийн ипотекийн зээл авлаа гэхэд 100 мянган төгрөгийг суутгаад 9.9 сая төгрөг шилжүүлдэг. Үүнийг ШӨХТГ-аас банкуудын зээл судалсны шимтгэл болох нэг хувийг үндэслэлгүй суутгал гэж үзэн арилжааны нэр бүхий есөн банкийг тус бүр 20 сая төгрөгөөр торгох шийдвэр гаргасан билээ.
Гэвч банкнуудын зүгээс энэ шийдвэрийг хууль бус гэж үзэн шүүхэд хандсан бөгөөд Захиргааны хэргийн анхан шатны шүүх үүнийг хүчингүйд тооцсон. Иймд ШӨХТГ-аас давж заалдах шатны шүүхэд ханджээ.
Шүүх банкууд нийт зээлийн үнийн дүнгийн 1 хувийг суутгах нь үндэслэлгүй гэжээ. Шүүх хуралд өмгөөлөгчөөр О.Батхүү, С.Ялалт, н.Цэнгэл, н.Чинбат өмгөөлөгч нар ажиллан, хоёр цагийн турш банкуудын өмгөөлөгчтэй мэтгэлцсэн байна.
