“Хөгжлийн банк”-ны гэх тодотголтой нэр бүхий 80 шүүгдэгч, 4 хуулийн этгээдэд холбогдох эрүүгийн хэргийн гэм буруугийн шүүх хуралдаан өнгөрөгч дөрөвдүгээр сарын 17-ны өдрийн 08:30 цагт эхэлснээс хойш үргэлжилсээр 41 дэх өдрөө үргэлжлэн хуралдаж байна. Монголбанкны ерөнхийлөгч Б.Лхагвасүрэнг Хөгжлийн банкны хэрэгт холбоотойгоор яллагдагчаар татсан талаар бид өмнө нь мэдээлсэн билээ. Мөн прокуророос Б.Лхагвасүрэнд холбогдох хэрэгт яллах дүгнэлт үйлдэж, хэргийг шүүхэд шилжүүлсэн байдаг.
Тодруулбал,түүнд Эрүүгийн тухай хуулийн 22.1 дэх хэсэгт заасан эрх мэдэл, албан тушаалын байдлаа урвуулан ашигласан гэх зүйл ангиар яллах дүгнэлт үйлдэж хэргийг Сүхбаатар дүүргийн Эрүүгийн хэргийн анхан шатны шүүхэд шилжүүлсэн байдаг.
Тэгвэл тус хэрэг яллагдагчаар татагдаад байгаа Монгол банкны ерөнхийлөгч Б.Лхагвасүрэн "Хөгжлийн банк"-ны гэх хэргээр ял авах нь тодорхой болсон талаар эх сурвалжууд мэдээллээ.
Түүнийг Хөгжлийн банкны ТУЗ-ийн гишүүнээр ажиллаж байхдаа "Бэрэн групп"-д зээл олгосон гэх хэрэгт буруутгаж байгаа юм. “Хөгжлийн банк”-ны гэх шүүх хурал 10 гаруй хоногийн дараагаар дуусах магадлалтай гэх мэдээлэл байна.
