Америкийн үндэсний сагсан бөмбөгийн холбооны аваргын төлөөх цуврал өнөөдөр өндөрлөлөө. Цувралд “Денвер Наггетс” баг “Майами Хит”-ийг 4:1-ийн харьцаатайгаар буулган авч, анхны аваргын цомоо өргөв.
Харин домогт сагсан бөмбөгч Билл Расселийн нэрэмжит NBA-ийн финалын хамгийн үнэ цэнтэй тоглогчоор “Денвер Наггетс” багийн лидер Никола Йокич тодорлоо. Серби сагсан бөмбөгч Никола Йокич NBA-ийн улирлын хамгийн үнэ цэнтэй тоглогчоор хоёр удаа, бүх оддоор таван удаа нэрлэгдсэн дэлхийн хамгийн шилдэг сагсан бөмбөгчдийн нэг юм.
