Даваа гарагт ТАСС мэдээллийн агентлагаас мэдээлснээр Украины ерөнхийлөгч Володимир Зеленський Ялалтын баярыг жил бүрийн тавдугаар сарын наймны өдөр тэмдэглэж байх тухай хуулийг баталжээ. Энэ талаар Верховна Рада гэх веб хуудаснаас анхлан мэдээлсэн байна.
Украины засгийн газрын веб хуудаснаа өгүүлснээр ерөнхийлөгч зургаадугаар сарын арванхоёрны өдөр тус хуулийг үзэглэсэн гэнэ.
Володимир Зеленський тийн хуулийг шинэчлэн батлахаас өмнө Украин улс Ялалтын баярыг тавдугаар сарын есний өдөр тэмдэглэдэг байсан юм. Гэвч хожим ерөнхийлөгч Володимир Зеленський эл өдрийг “Европын өдөр” болгон тунхагласан билээ.
Эх сурвалж: ТАСС
