Хөгжлийн банкны гэх 80 хүн, 4 хуулийн этгээдэд холбогдох эрүүгийн хэргийн гэм буруугийн шүүх хуралдаан 40 дэх өдрөө үргэлжилж байна.
Улсын яллагч Мөнгөншагай:
Нэр бүхий төслүүд Монгол Улсын хөгжлийн банкны нөхцөл шаардлагыг хангаагүй байхад зээл олгох шийдвэр гаргасан Монгол Улсын Хөгжлийн банкны удирдах түвшинд ажиллаж байсан хүмүүсийг ямар учраас гэм буруутайд тооцсон тухай мэдээлэл өгсөн.
Миний шалгаж байгаа Хөгжлийн банкны удирдлагууд, зээлийн хорооныхон “Монгол драй милк”, “НВЦ”, "Пи Си Вай" компанид давуу байдал олгосон хэргийн тухайд,
Тухайлбал, “Монгол драй милк” ХХК-д Хөгжлийн банкны зээлийн зургаан шаардлагаас 4 шаардлагыг хангаагүй байхад зээлийн хорооны гишүүд “ Энэ нөхцөл шаардлагыг хангуулах" нөхцөл зааж, ТУЗ-д зээлийг оруулж шийдвэрлүүлсэн. ТУЗ-өөс зөвшөөрөл гаргаад зээлийг олгуулсан. Өөрөөр хэлбэл, зээлийн удирдлагын хорооны гишүүд тус компанийг өрийн дарамтад орсон, зээл эргэн төлөх баталгаагүй, байгаль орчны нарийвчилсан үнэлгээ хийгдээгүй, барьцаа хөрөнгийн шаардлага хангахгүйг мэдсээр байж, ТУЗ-д зээл олгох санал оруулсан. ТУЗ энэ дагуу шийдвэрлээд зээл олгосон. Тиймээс зээлийн хорооны гишүүд нь илт давуу байдал олгосон, гэмт хэргийн шинжийг агуулсан үйлдэл гаргаж байгаа юм гэхээр өмгөөлөгч нарын зүгээс ийм ийм зүйлээр гэмт хэргийн шинжийг үгүйсгэж байгаа юм гэдэг тайлбарыг гаргаж тавиагүй. Харин ТУЗ-ийн гишүүдтэй холбоотой асуудал дээр нэр бүхий өмгөөлөгч нар санал гаргасан. Тэдний зүгээс ТУЗ-ийн гишүүдэд зээл олгох шийдвэр гаргах эрх хэмжээ олгогдоогүй гэсэн үндэслэл гаргаж тавьдаг. Тэгвэл ТУЗ нь 2017-2018 онд ямар эрх хэмжээтэй байсан бэ гэхээр ЗГ-ын 2017 оны тогтоолоор Хөгжлийн банкны дүрмийг баталжээ. ТУЗ-ийн гишүүдээс эхлээд тус банкинд ажиллаж байгаа бүх хүн дагаж мөрдөх ёстой. Энэ дүрэмд “ ТУЗ нь зээл авах, үнэт цаас гаргах, өөрийн хөрөнгийн 0,6 хувиас дээш үнийн дшнтэй төсөл хөтөлбөр санхүүжүүлэх шийдвэрийг гаргана гээд заасан байгаа юм. Өөрийн хөрөнгийг ТУЗ-ийн дүрэмд тодорхойлохдоо 1 их наяд төгрөгөөр тодорхойлсон. Үүний 0,6 хувь гэхээр 6 тэрбум төгрөг болно. Тэгэхээр ийм хэмжээний санхүүжилт олгох эрх ТУЗ-д байсан. Энэ эрх хэмжээгээ урвуулан ашигласан байна.
ТУЗ шийдвэрээ хамтын удирдлагад үндэслэж гаргана гэх зэрэг дүрэмд заасан эрх хэмжээгээр ТУЗ зээл олгох эрхтэй байгаа юм.
ТУЗ-ийн 2011 оны тогтоолоор Зээлийн хороо бол 5 тэрбумаас дээш зээл олгохоор бол ТУЗ-өөс зээл авахаар тусгасан байгаа юм. Гэтэл өмгөөлөгч нар ТУЗ зээлийн эрхгүй гээд байгаа нь хуулийн үндэслэл болохгүй.
Хөгжлийн банкны тухай хуулийн 10.1-д зээлийн зорилго, шаардлагыг тодорхой зааж хуульчилсан. Үүгээр хамгийн эхний босгыг нь заагаад өгчихсөн.
Гэтэл Хөгжлийн банкны удирдлагууд “Монгол драй милк”, “НВЦ” компаниуд дээрх шаардлагыг хангаагүй байхад зээл олгох шийдвэр гаргасан байна.
Монгол драй милк ХХК-д зээл олгохдоо, 2017 оны 4 дүгээр сарын 20-нд ТУЗ 3 гишүүнтэй хуралдсан байгаа юм. Уг нь дийлэнх олонх гэхээр 6 хүнтэй хуралдах ёстой. Гэтэл 3 хүнтэй хуралдаад тогтоол нь хүчин төгөлдөр болжээ.
ТУЗ нь дарга Даажамба, Оюунчимэг, Баттулга нар биеэр хуралдаж, Махбал, Банзрагч, Хуягбат нарын гишүүн бичгээр санал өгсөн байгаа юм. Гэтэл бичгээр санал өгсөн 4 гишүүнийг судлаад үзэхээр хурал болсноос хойш бичгээр санал өгч албажсан байна. Өөрөөр хэлбэл, хуурамч маягаар бичиг баримт бүрдүүлж, зөрчилтэй шийдвэр гаргажээ.
“Монгол драй милк” ХХК-ийг үүсгэн байгуулагч Х.Бат-Эрдэнэ, гүйцэтгэх захирал Эрдэнэбилэг нарын хамтын оролцооны талаар би өмнө нь хэлсэн. Зээлийн хорооны гишүүдийн зүгээс хуульд заасан зээлийн шаардлага хангахгүй байна, эрсдэлийг яах вэ, наадуул чинь бидний шаардлагыг биелүүлэхгүй нь тодорхой, хэдүүлээ эцэст нь ажиллагаагүй хэдэн сүүний үйлдвэртэй үлдэнэ гэх зэргээр өнөөдрийн үүсээд байгаа нөхцөл байдлыг урьдчилан мэдээд ярилцсан байдаг. ТУЗ-өөс нэхээд байгаа юм чинь бидний шийдвэрээр л явна. Эцэст нь ТУЗ-ийн шийдвэр гарчихаад байхад санхүүжилт олгохгүй байна гээд нэг том гар ирнэ дээ хэмээн инээлдээд ярилцсан байгаа юм.
Энэ зээлийг авах сонирхол хэнд байгаа вэ гэхээр Х.Бат-Эрдэнэ, Эрдэнэбилэг хоёрт л байгаа юм. Том гар гээд байгаа нөхөр нь хэн бэ гэдгийг авч үзэх ёстой гэв.
