НАТО-гийн Ерөнхий нарийн бичгийн дарга асан Андерс Расмуссен Умард Атлантын цэргийн эвсэл Украинд цэрэг оруулах боломжтой гэж үзжээ. Тэрээр “Хэрэв НАТО Украиныг урагшлуулах тодорхой зам дээр тохиролцож чадахгүй бол гишүүн улс орнууд тусгайлсан арга хэмжээ авах боломжтой. Польш улс Украинд тусламж үзүүлэхэд идэвхтэй оролцож байгааг бид мэднэ. Энэ хүрээнд Польш улс үндэсний хэмжээнд, дараа нь Балтын орнууд, тэр дундаа газар дээр нь цэргээ байршуулах боломжийг бүрдүүлэн илүү хүчтэй ажиллахыг би үгүйсгэхгүй" хэмээлээ.
Эвслийн өнөөгийн тэргүүн Йенс Столтенберг хэдхэн хоногийн өмнө Украины аюулгүй байдал Вильнюст болох дээд хэмжээний уулзалт дээр нэн түрүүнд тавигдана гэсэн юм. Гэхдээ эвслийн гишүүн орнуудад л аюулгүй байдлын баталгаа өгдөг журамтай.