3х3 сагсан бөмбөгийн дэлхийн цуврал тэмцээн болох "Macau Masters" долоодугаар сарын 8-9-ний өдрүүдэд болно. Тус тэмцээнд оролцох эрхийн төлөөх "World Hoops Penang 2023" challenger шатны тэмцээн энэ сарын 10-11-ны хооронд Малайзын Пэнан хотноо болох юм. Эрхийн төлөөх энэхүү тэмцээнд Монголын Bayangol Broncos баг оролцох бөгөөд "C" хэсэгт АНУ-ын NY Harlem, Литвийн Kaunas багуудтай учраа таарчээ. Bayangol Broncos баг зургаадугаар сарын 10-ны 14:25 цагаас NY Harlem багтай тоглох бол 19:25 цагаас Kaunas багтай тоглоно.
Bayangol Broncos багийн бүрэлдэхүүн:
- Б.Тулуй
- Б.Билгүүн
- Д.Мөнхтүвшин
- О.Сэргэлэн
Энэ онд 3х3 сагсан бөмбөгийн нийт 18 мастерс болох бөгөөд одоогоор нээлтийн "Utsunomiya 2023" болон "Manila 2023" мастерст Сербийн "Ub Huishan NE" баг дараалан түрүүлээд байна.
