Ойд төөрсөн хүүг олж, гэрийнхэнд нь хүлээлгэж өглөө

2023 оны зургаадугаар сарын 03-ны 17 цаг 30 минутад цагдаагийн байгууллагад Сүхбаатар дүүргийн 19 дүгээр хорооны нутаг дэвсгэрээс “13 настай, эрэгтэй хүүхэд модруу ороод төөрсөн” гэх дуудлага, мэдээлэл бүртгэгдсэн. Тус дүүргийн цагдаагийн газрын Хоёрдугаар хэлтсээс 20 алба хаагч, хорооны Засаг даргын ажлын албаны ажилтнуудтай эрэн хайх ажиллагааг шуурхай зохион байгуулж, 22.00 цагийн үед төөрсөн хүүг Сүхбаатар дүүргийн 20 дугаар хорооны нутаг дэвсгэрт ойн гүнд нэг километрийн зайтай байхад нь олж тогтоон ар гэрт нь хүлээлгэн өгчээ.