УИХ-ын чуулганы тавдугаар сарын 31-ний өдрийн хуралдаанаар Үндсэн хуулийн өөрчлөлтийг баталсан. Хууль ёсчлон батлагдаж, Ерөнхийлөгчийн Тамгын газарт хүргэгдсэнээс хойш ажлын тав хоногт багтаан Ерөнхийлөгч хуульд хэсэгчлэн болон бүхэлд нь хориг тавих эрхтэй билээ. Тэгвэл УИХ-аас баталсан Үндсэн хуулийн өөрчлөлттэй Ерөнхийлөгчийн Тамгын газар танилцсан бөгөөд өнөөдөр Ерөнхийлөгч ҮХӨ-ийн эхийг ёсчилсон гэж эх сурвалж мэдээллээ.
Одоо Үндсэн хуулийн өөрчлөлтийн эхийг “Төрийн мэдээлэл” эмхэтгэлд албан ёсоор нийтлэгдсэнээр хүчин төгөлдөр болж мөрдөгдөнө. Үүний дараагаар УИХ-аар УИХ-ын Сонгуулийн тухай хууль, Улс төрийн намын хуулийг хэлэлцэх эрх зүйн орчин бүрдэх юм.
Үндсэн хуулийн өөрчлөлтөөр "УИХ нэг танхимтай, 126 гишүүнтэй байх. УИХ-ын сонгуулийг сонгуулийн холимог тогтолцоогоор явуулах. УИХ-ын 78 гишүүнийг олныг төлөөлөх, 48 гишүүнийг хувь тэнцүүлэн төлөөлөх аргаар сонгоно" гэж хуульчилж байгаа юм.