Нүүрсний хулгайчдын нэрсийг ил болго хэмээн залуусын жагсаалыг удирдаж байсан жүжигчин У.Цогтбаяр гэр бүлийн хүчирхийлэл үйлдэж, эхнэр "Х"-г хэл амаар доромжилсон хэргээр Хан-Уул дүүргийн цагдаагийн хоёрдугаар хэлтэст шалгагдаж байгаа талаар мэдээлж байсан.Тэгвэл өнөөдөр Хан-Уул дүүргийн шүүхээс түүний хорих шийдвэр гаргажээ. Жүжигчин У.Цогтбаяр өөрийн цахим хуудастаа бичлэг оруулжээ. Тэрбээр "Нэг өдрийн дотор гурван байцаагч солигдон маш хурдан шүүх хурал болоод хоригдохоор боллоо. Хоригдох болсон ч гэсэн Засгийн газар сайн ажиллаж байна, Хууль зүйн сайд мундаг байгаа гэж гарч ирж чадахгүй ээ. Намайг хууль зөрчөөгүйд итгээрэй. Жоохон бясалгаж байгаад гараад ирье. Өнөөдөр миний хүүхдийн төрсөн өдөр. Маш олон ажил төлөвлөчихсөн байлаа. Харамсалтай юм аа. Сайхан цаг ирэх болтугай. Залуучуудыг талбай дээр очиж жагсаасай гэж хүсэж байна. Хан-Уул дүүргийн хоёрдугаар хэлтсийн цагдаа нарын хамгаалалт доор талбай руу зүглэж чадсангүй. Түр баяртай" гэлээ.