Төв талбай дээр иргэд хоёр дахь өдрөө тайван жагсаал хийж байна. Тэдний гол зорилго сангуудаас зээл авсан зээлийг нь төлүүлэх, мөн чадамжгүй байгаа УИХ-ыг тарахыг шаардаж байна хэмээн уриа лоозон барьж зогсч байна. Иргэд мөн шударга бүхний дуу хоолой болсон Д.Мөнх-Эрдэнийг ч суллахыг шаарлаж жагсаж байгаа ажээ.
Тэдний дунд Д.Мөнх-Эрдэнийн өмгөөлөгч Л.Баттогтох ирсэн үг үзэл бодлоо илэрхийлэв. Тэрбээр " Талбай дээр жагсаж байгаа хүмүүс Нүүрсний хэрэг болон Боловсролын зээлийн талаар дуугарч нийлж нэгдэж тэмцэж байгаа хүмүүс байна гэж харлаа.
Манай үйлчлүүлэгч Д.Мөнх-Эрдэнийг дэмждэг хүмүүс олон байна. Тэрбээр 3 жил 10 сар хорих ялаар шийтгүүлсэн. Хөх хотын консул байхдаа гурван хүүхэддээ тус бүрд нь 500 мянган төгрөг оногдуулсан гэх. Түүнээс гадна консулаас бууж ирэхдээ галт тэргээр биш онгоцоор ирлээ гэж ялласан байгаа. Тэр нь инээдмтэй зардлууд байдаг. Тэрийг хувьдаа ашиглаж, өөртөө давуу байдал олгосон байна гэж буруутгаад байгаа. Анх Боловсролын зээлийн сангийн талаар анх гаргаж тавьсан. Энэ зээлийн сантай маргааныг сүүлийн үед миний өмгөөлөгч эрчимтэй ярьдаг байсан. Энэ нь өнөөдөр ил болж гарч ирж байгаад талархаж байна. БЗС болон нүүрсний хэрэг гэх хэдэн их наяд тэрбумаараа яригдах хэргүүд байна. Удам судраараа ураг төрөлдөө, нууц амрагтаа хүртэл зээл аваад өгчихсөн асуудал нь ил гарч ирж байна шүү дээ. БЗС-ийн мөнгийг иргэд татвараараа бүрдүүлдэг. Тэдний нууц амрагуудын сурах мөнгийг бид бүрдүүлдэг байна. 300-400 мянган төгрөгийг хүүхдүүдийнхээ сургалтын төлбөрт зарцуулсаны төлөө 3 жил 10 сар авна гэдэг арай биш гэж үү. Тэгвэл дунджаар 100 саяас дээш мөнгө авч завшсан нөхдүүдэд хариуцлага тооцох хэрэгтэй.
Бид давж заалдах өргөдлөө өгсөн. Удахгүй хурал нь болох байх. Д.Мөнх-Эрдэнийн өөрийнх ч бие тааруу байгаа. Аавтайгаа цагаан сараар уулзаж золгож чадаагүй. Аавынх нь бие ч тааруу тийм сайн биш байгаа" гэлээ.
