Боловсролын зээлийн сангийн дарга Д.Гарди зөвхөн 2022 оны 04-06 сарын хооронд өөрийнхөө 4 удаагийн шийдвэрээр өөртөө 1 544 358 төгрөгийн урамшуулал олгожээ.
Энэ нь нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 8 дугаар зүйлд заасан, тайлбарыг гаргаагүй нь АТГ-ын шалгалтаар ил болжээ.
Мөн тэрбээр 2014-2016 онд ОХУ-д БЗС-ийн 32 000 долларын зээлээр сурсан ба тухайн зээлээ БШУ-ны сайд Л.Энх-Амгалангийн тушаалаар хаалгасан байна. Ингээд зээлийн барьцаанд байсан барьцаа хөрөнгөө чөлөөлүүлжээ. Энэ үйлдэл нь ч хууль зөрчиж байгааг АТГ тогтоон, зөрчил арилгах зөвлөмжийг ЗГХЭГ, БШУЯ-нд хүргүүлж байжээ.