АНУ-ын Ерөнхийлөгч Жо Байдены зарласан Украинд цэргийн тусламж үзүүлэх шинэ багцын дэлгэрэнгүй мэдээллийг Пентагон нийтэлсэн байна.
Энэхүү тусламжийн шинэ багцын хүрээнд АНУ Украинд 375 сая долларын цэргийн тусламж үзүүлэх юм.
Энэхүү тусламжийг Америкийн цэргийн агуулахаас шууд хуваарилах болно. Энэ нь хуваарилагдсан бүх зүйлийг Украинд хангалттай хурдан хугацаанд хүргэнэ гэсэн үг бөгөөд ихэвчлэн ийм багцыг бүрдүүлэхдээ шилжүүлэхээр төлөвлөсөн бүх эд хөрөнгийг урьдчилан бэлтгэж, тэр ч байтугай тээврийн маршрутыг хүртэл төлөвлөсөн байдаг. Шинэ тусламжийн хүрээнд энэ удаа агуулахаас 38 дахь удаагаа шилжүүлэг хийж байна гэж Төрийн департамент мэдэгдэлдээ дурджээ.
Энэхүү агуулахаас шууд хуваарилахаас гадна Америкийн цэргийн тусламжийг нийлүүлэх өөр хоёр дахь суваг бий. Өөрөөр хэлбэл үйлдвэрлэгчдийн захиалгыг санхүүжүүлэх арга юм. Гэхдээ энэ тохиолдолд хүргэх хугацаа илүү урт байдаг.
Тусламжийн шинэ багцын хүрээнд шилжүүлэх хөрөнгийн хэмжээг тодорхой заагаагүй боловч дараах жагсаалтыг нийтэлсэн байна. ҮҮНД:
-Агаарын довтолгооноос хамгаалах HIMARS- төхөөрөмжид зориулсан нэмэлт сум
-155 ба 105 мм калибрын их бууны сум
-"TOW" танк эсэргүүцэх удирдлагатай пуужин
-Javelin болон AT-4 танк эсэргүүцэх систем
-Лазер удирдлага бүхий реактив системд зориулсан сум
-Гүүр, бэхлэлт болон бусад байгууламжийг дэлбэлэх төхөөрөмжийн цэнэг
-Гүүр барихад зориулагдсан хуягт машинууд
-Эмнэлгийн тусламжийн хуягт машинууд
-Хүнд даацын машин, трактор
-Логистикийн туслах төхөөрөмж
-Дулааны дүрслэлийн системүүд
-Сэлбэг хэрэгсэл болон хээрийн бусад тоног төхөөрөмж
Эх сурвалж: ВВС