"Иргэн О.Сийлэгмаа нь БЗС-д ажиллаж байхдаа компьютер дээрх сүүлийн үеийн бүх мэдээллийг хард диск дээр хуулж аваад устгасан" хэмээн БШУ-ны сайд Л.Энх-Амгалан өнгөрсөн Баасан гарагт нийтэд мэдээлсэн.
Уг асуудлыг шалгаж эхэлсэн болохыг хуульзүй, дотоод хэргийн сайд цахим хуудсаараа мэдэгджээ.
Тэрбээр "БЗС-гаас устгагдсан, алга болсон гэх мэдээллийг нягтлан шалгахаар Эрүүгийн цагдаагийн газраас ажлын хэсэг байгуулагдан ажиллаж байна" гэсэн байна.
