Хуучин ЗХУ-ын бүрэлдэхүүнд байсан Төв Азийн таван улсын удирдагч нарын дээд хэмжээний уулзалт энэ сарын 18-19-ний өдрүүдэд БНХАУ-ын баруун хойд Хятадын Шэньси мужийн Шиань хотод болж өнгөрлөө. Энэ удаагийн уулзалтад Казахстан, Киргизстан, Тажикистан, Туркменистан, Узбекистаны ерөнхийлөгч нар оролцсон юм. Энэхүү уулзалтад БНХАУ-ын дарга Ши Жиньпин оролцсон бөгөөд Оросын нөлөө харьцөнгуй багассан энэ үед Төв Азийн орнуудад нөлөөгөө тогтоохыг Хятад улс эрмэлзэж байна хэмээн гадаадын хэвлэл мэдээллүүд онцолж байна.
Төв Азийн таван орон болон БНХАУ-ын дараагийн дээд хэмжээний уулзалт 2025 онд Казахстанд болно гэж Акордагийн хэвлэлийн албанаас мэдээллээ.
Мэдээлэлд “Төв Ази-Хятадын дээд хэмжээний уулзалтын үр дүнгийн дагуу төрийн тэргүүнүүд Ши-Аний тунхагт гарын үсэг зурлаа. Дараагийн дээд хэмжээний уулзалт 2025 онд Казахстанд болно" гэжээ
Хятад, Төв Азийн удирдагч нар хоёр жил тутам Хятад болон Төв Азийн орнуудад энэ форматаар уулзалт хийхээр тохиролцжээ.
Эх сурвалж: Сentralasiamedia.