Нийслэл хотод оршин суугаа айл өрхийн 60 гаруй хувь нь гэр хороололд амьдардаг. Иймд Улаанбаатар хотын хувьд гэр хорооллыг дахин хөгжүүлэх, орон сууц барих ажлыг нэн тэргүүнд хийх шаардлагатай.
Анх 2011 оноос эхлэн нийслэл хотын гэр бүсэд орон сууц барих төсөл хэрэгжиж эхэлсэн ба үүнээс хойш төслийн хүрээнд 15,000 гаруй айлын орон сууц ашиглалтад орсон байдаг. Тиймээс энэ жилээс эхлэн гэр хорооллын дахин төлөвлөлтийг эрчимжүүлж, 4,500-6,000 айлын орон сууц барихаар төлөвлөжээ.
