Хиймэл оюун ухаанд суурилсан ChatGPT программыг тун удахгүй гар утас гэх мэт хөдөлгөөнт төхөөрөмжүүдэд ашиглах боломжтой болох гэнэ.
Тус программыг хөгжүүлэгч OpenAI компанийн зүгээс орон нутгийн цагаар 18-ны өдөр өөрийн цахим хуудсаараа дамжуулан iPhone буюу iOS үйлдлийн системд зориулсан ChatGPT программыг гаргаж буйгаа зарласан байна.
Ингэснээр өнгөрөгч 11-р сард гарсан ChatGPT программ анх удаа гар утсанд зориулсан хувилбар гаргах гэж буй нь энэ юм.
Түүнчлэн тус компанийн технологийн ахлах ажилтан Мира Мурати өөрийн Твиттер хуудсаараа дамжуулан "Удахгүй Android үйлдлийн системд зориулсан хувилбарыг ч гаргах болно" хэмээн мэдэгдсэн юм.
Гэсэн хэдий ч гар утсанд зориулсан хувилбарыг одоогоор зөвхөн АНУ-д ашиглах боломжтой байгаа бөгөөд ойрын хугацаанд бусад улс орнуудад ч ашиглах нөхцөл боломжийг бүрдүүлэхээ компанийн зүгээс мэдэгдэв.
Эх сурвалж: MBC
