МАН-ын орон тооны нарийн бичгийн дарга О.Батнайрамдал өнгөрсөн мягмар гарагт Боловсролын зээлийн сангийн талаар мэдээлэл хийхдээ “Бакалаврын түвшний 421 оюутны 167 тэрбум төгрөг 100 хувь төлөгдөөгүй бол магистр, докторын 196 тэрбум төгрөгийн зээлийн 99 хувь нь төлөгдөөгүй байна.
БЗС-гийн 196 тэрбум төгрөгөөр гадаадад магистр, докторт суралцсан 1,947 оюутны 41 хувь буюу 867 нь сайдын тушаалаар зээлийн эргэн төлөлтөөс чөлөөлөгдсөн байгаа юм. БЗС-гаас авсан зээлээс чөлөөлөх журмыг УИХ батална гэж хуульд заасан ч сайдын тушаалаар чөлөөлөлтүүд хийгдсэн нь хууль бус" гэсэн юм.
Гэтэл өнөөдөр БШУ-ны сайд Л.Энх-Амгалан түүнийг ташаа мэдээлэл өгсөн хэмээн үзэж буй талаар мэдээлэл өгөв. Тэрээр “Мэдээллийг ил тод болгочихоод байхад үнэн мэдээллийг гуйвуулж байгаа бол гэмт хэрэг. Тийм учраас Батнайрамдал гэж нөхөр улс төрд тодрох гэж битгий оролдоод бай. Хэдэн тоо хооронд нь нэмж чадахгүй байж Харвард төгссөн бол харамсалтай байна. Нялх Сэнгүм гэгчээр улстөрд тодрох гэсэн нялхсын өвчин туссан нөхөр” хэмээн МАН-ын орон тооны нарийн бичгийн дарга О.Батнайрамдалыг буруутгав.
