Боловсролын зээлийн сангаас зээл аваад гэрээний үүргээ биелүүлээгүй 230 хүн байгаа талаар зарласан. Үүнтэй холбогдуулан тэтгэлэг, зээл авсан нийт иргэдийн мэдээллийг цахим хуудсанд ил болгосон. Тэгвэл тус сангаар суралцсан хүмүүсийн гэрээг ил болгож буйтай холбогдуулан БШУ-ны сайд Л.Энх-Амгалан мэдээлэл хийлээ.Тэрээр "Өнгөрсөн хугацаанд БЗС-гийн санхүүжилтээр 2,000 гаруй хүүхэд гадаадын бакалавр, магистрын түвшинд суралцсан гэх тоон мэдээлэл бий. Тус сангаас 1992 оноос хойш 230 гаруй тэрбум төгрөгийг зарцуулсан байна. Үүнийг О.Батнайрамдал 330 тэрбум гэж мэдээлсэн. Уг тоог бага зэрэг зөрүүтэй зарласан.УИХ-ын гишүүн Ц.Даваасүрэнгийн хүүхэд зээлээр биш тэтгэлгээр явсан " хэмээн хэлэв.
