Хан-Уул дүүргийн Эрүүгийн хэргийн анхан шатны шүүхэд өнөөдөр Н.Түвшинбаярт холбогдох хэргийн гэм бурууг тогтоох шүүх хуралдаан боллоо. Шүүх хурлаас "Н.Түвшинбаяр шүүхэд нөлөөлөх оролдлого хийсэн" гэх мэдээлэл гарсан учраас уг асуудлыг ШЕЗ-д шалгуулахаар өгч, шүүх хурлыг тодорхойгүй хугацаагаар хойшлуулсан байна.
Н.Түвшинбаяр шүүгч нарт нөлөөлөх оролдлого хийснийг шүүгч нар илчилж, цагдаагаар шалгуулж эхэлсэн талаар ШЕЗ-өөс мэдээлж байсан. Мөн хохирогчийн эхнэр Б.Нандинцэцэг “Маргааш өглөө шүүх хурал боллоо. Н.Түвшинбаярын талаас шүүхэд нөлөөлөх гэж оролдсон байна. Хайрт ханийг минь үнэхээр хэрцгийгээр үгүй хийчээд бас л их зоригоо!” хэмээн цахим хуудаснаа бичсэн юм.
