Хятадын уулчин 2023 оны 5 сарын 18-нд Эверестийн оргилд авиралт хийх үеэрээ харамсалтайгаар амиа алдсанаар Эверестэд амиа алдагсдын тоо энэ улиралд 8-д хүрлээ.52 настай уулчин Шюэбин Чен уулын өмнөд талаас буюу Балба талаас оргил руу явж байх үедээ "үхлийн бүс" хэсэг гэх 8000 метрийн өндрөөс осолдсон байна.Шюэбин Чен шилээ солиод хүчилтөрөгчийн саваа хаях гэж байгаад хөл алдаж өндрөөс унасан хэмээн нүдээр харсан гэрчүүд мэдээлжээ.Баазын эх сурвалжууд тухайн хэсэгт гацсан өөр хоёр уулчинг тагтны хэсгээс аварсан ба яаралтай доош буулгах аврах ажиллагаа явуулж байгаа талаар мэдээллэсэн байна. Тэдний хэн болох нь одоогоор тодорхойгүй байна. Гэхдээ Хятадын уулчин болон Монголын уулчин гэдгийг баталжээ. 2 уулчинг аюулгүй газар авчрахын тулд аврах багийнхныг шуурхай дайчлан, Эверест уулын хүнд цаг агаар, сорилтуудын эсрэг тэмцэж байна гэжээ.Монголын уулчны нэр мэдээллийн эх сурвалжид дурдагдаагүй бөгөөд Уулчдын үндэсний холбооны мэдээллээр энэ сарын 17-ны өдөр 7 уулчин, 10 хөтөч Эверестийн оргилд гарсны нэг нь Монголын уулчин О.Золбоохүү байсан гэх мэдээлэл бий.