Уралын Пермь хотын нэгэн жижиг кафе эхийн сүүтэй кофегоор үйлчилж эхэлжээ. Максим Кобелевийн эзэмшдэг гурван кафед өдөр бүр 50 орчим аяга тусгай капучино гаргадаг байна. Одоогийн байдлаар тус кафетай есөн ээжтэй хамтарч ажиллаж байгаа бөгөөд кофены хэрэгцээнд зориулж өдөрт таван литр хөхний сүү нийлүүлдэг аж.
ОХУ-д ердийн капучино нь дунджаар 150 рублийн үнэтэй бол энэхүү эхийн сүүтэй капучино аяга нь 650 рубль буюу найман ам.долларын үнэтэй худалдаалагдаж байна. Тухайн кафед сүүгээ нийлүүлдэг нэгэн ээж "Сүү ихтэй тул саасан сүүнүүдээ хаяхаас өөр аргагүй болдог учраас худалдахаар шийдсэн" хэмээжээ. Кафены эзэн Кобелев эхийн сүүний нөөцийг нэмэгдүүлэхийн тулд хөхүүл эхчүүдийг хайж байгаа гэлээ. Мөн тэрээр он дуусахаас өмнө өдөр бүр 1000 аяга тусгай кофе зарахаар төлөвлөжээ.
