УИХ-ын чуулганы Пүрэв гарагийн хуралдаан үргэлжилж байна. Банкны шинэчлэлийн тухай хуульд нэмэлт, өөрчлөлт оруулах, хуулийг дагаж мөрдөх журмын тухай хуульд өөрчлөлт оруулах хуулийн төслийг хэлэлцэж эхэллээ.
УИХ-ын гишүүн Г.Амартүвшин: Банкны реформ хийх хуулийн төслийг олон жил дарж, хэлэлцэхгүй байсан. Хэл ам болж, арай гэж баталсан хуулийг хойшлуулах саналыг хүлээн зөвшөөрч болохгүй. Энэ бол банкны салбарт хийгдэх маш том реформ. Бид үүнийг заавал хийх ёстой.2021 оны эцсийн байдлаар банкуудын өөрийн хөрөнгө хангалттай байгаа 15 хувь, хөрвөх чадвар нь 41 хувь, таван том банк 500 гаруй тэрбумын цэвэр ашиг хийсэн. Эдийн засаг хүнд байгаа үед ийм ашигтай ажилласан. IPO хийх процессыг зогсоож, хойшлуулж болохгүй. Банкны холбооноос санал авсан уу. Банкууд өнөө маргаашгүй IPO гаргахад бэлэн байгаа. Гэтэл яагаад бүтэн жилээр хойшлуулж байгаа юм бэ. Анх баталсан хуулиараа явах ёстой .Би 1-2 банкны лобби орсон байна гэж хардаж байна. Бэлтгэл нь хангагдаагүй, нээлттэй хувьцаат компани болох сонирхолгүй лобби орсон гэж харж байна. Гишүүдээ үүнийг дэмжиж болохгүй шүү." хэмээн асуулт тависан юм.
Харин Монголбанкны ерөнхийлөгч Б.Лхагвасүрэн: Энэ асуудлыг хойшлуулаагүй. Хугацааг нь сунгаж байгаа л асуудал юм. Зургадугаар сарын 30-наас өмнө системийн нөлөө бүхий таван том банк олон нийтэд хувьцаагаа зэрэг санал болгох нь хувьцааны үнэ ханшид нөлөөлөх эрсдэлтэй тул нээлттэй хувьцаат компани хэлбэрт шилжих хугацааг нь ирэх оны зургадугаар сарын 30-н хүртэл сунгаж байгаа юм.Одоо бэлэн болсон банк IPO зарлаад явах нь нээлттэй. хэмээн хариуллаа.
