Цалин нэмүүлэх тайван жагсаал зохион байгуулаад байгаа соёл, урлагийн салбарынхан өчигдөр салбарын сайдтайгаа уулзсан.
Уг асуудлаар Соёлын сайд Ч.Номин "Соёл, урлагийн салбарынхны шаардлага бол зүй ёсны шаардлага. Энэ салбарыг он удаан жил орхигдуулсан нь үнэн. Цалинг үе шаттай нэмэхээр боллоо. Үнэлэмжийн ялгааг арилгахаар боллоо. Гэлээ гээд энэ нь бүх асуудлыг шийдэхгүй. Гал унтраасан л түр шийдэл. Иймээс салбарын байгууллагуудын засаглал, менежментийн реформыг эхлүүлэх цаг нэгэнт иржээ гэж үзэж байна. Биеэ даах болсон урлагийн зарим төрлүүдийг либералчлах, уран бүтээлчдэд нь өөрсдөд нь даалгах шийдлийг санал болгоно" гэжээ.
