Армений Ерөнхий сайд Никол Пашиняны хүү Ашотыг лхагва гаригт хулгайлж барьцаалсан тухай Армений “Хайкакан Жаманак” сонин мэдээлэв. Гэсэн хэдий ч тэрээр удалгүй халдагчдаас зугтаж чадсан байна.
Тавдугаар сарын 17-ны өдөр Москвагийн цагаар 14:00 цагийн орчимд Пашиняны хүүг гэрийнх нь ойролцоогоос машинд суулгаж, үл мэдэгдэх чиглэлд авч явсан байна. Гэсэн хэдий ч, мэдэгдэж буйгаар Ашот машинаас үсэрч амжсаны дараа түүнийг барьцаалагчдын араас дагаж явсан хоёр дахь машин мөргөжээ.
Үүний улмаас Ерөнхий сайдын хүү хөлөө гэмтээсэн ч харин хулгайчид зугтсан байна. Дараа нь Ашот цагдаад ханджээ.
Урьдчилсан мэдээллээр 2020 оны намар Карабахад амиа алдсан цэргүүдийн ар гэрийнхний үүсгэн байгуулсан “Call of Sons” байгууллага хүн хулгайлах ажиллагаанд оролцож байгаа аж.
Үүний уоьд дөрөвдүгээр сард Арменийн парламентын дарга Ален Симонян Ашот Пашинян руу халдлага үйлдсэн гэж мэдэгдэж байсан юм. Тэгэхээр энэ нь Ерөнхий сайдын хүү рүү халдпсан хоёр дахь удаагийн халдлага болж таарч байгаа юм.
Эх сурвалж: Лента.ру
