Дуурь бүжгийн эрдмийн театрын уран бүтээлчид өчигдөр цалингаа нэмэгдүүлэхийг шаардаж Соёлын сайд болон салбарын удирдлагуудтай уулзаж, тулгамдаж буй асуудлыг нэн даруй хугацаанд шийдэж шийдвэрлэж өгөхийг хүссэн. Дуурь бүжгийн эрдмийн театрын уран бүтээлчид цалин багатайгаас болж хүний нөөцийн хомсдолд ч орчихсон байгаа юм байна.
Тэгвэл тухай байгууллагын уран бүтээлч Д.Батжаргал өөрийнхөө байр суурийг цахим хуудсаараа дамжуулан илэрхийлжээ. Тэрбээр "ДБЭТ-ын уран бүтээлчид бид хагас, бүтэн сайны амралтын өдрүүдэд ажиллаж ард иргэд та бүхэндээ урлаг соёлоор үйлчилсээр байгаа шүү. 5 сарын 20,21 нд "Хунт нуур" балет тоглоно. Мөн тавдугаар сарын 28, 29-нд "Кармен" дуурийг тоглохоор бэлтгэж байна. Та бүхэн минь ирээд үзээрэй, сонсоорой. Дуурь балет үздэггүй биднийг зүгээр байж байгаад л цалин авдаг, эсвэл бид нарт энэ байгаа цалин чинь болноо гээд бгаа хүмүүс зорьж ирээд үзээрэй.
Та бүхнийхээ оюуны цангааг тайлж сэтгэлийн цэнгэлийг эдлүүлэх хэмээн театрын хамт олон бид 280 ажилчин уран бүтээлчид хичээсээр байна. Манай хамт олон амралтын өдрүүдэд тогтмол тоглолттой байдаг шүү. Мэддэггүй хүмүүс зорьж ирээд 1 сонирхоорой. 1000 сонсохоор нэг үз гэдэг дээ. Сонгодог урлаг өөрөө гайхамшигтай сонсогчоо өөрөө бэлддэг гэдэг дээ. Хүн болгон сонгодог урлаг сонсох алба ч байхгүй, угаасаа энэ урлаг нь сонгодог үзэгчдээ нэхдэг ийм л өндөр түвшиний урлаг юмаа. Сонгодог урлаг мандан бадраг" гэжээ.
