УИХ-ын чуулганы нэгдсэн хуралдаан өнөөдөр эхэллээ. чуулганы хуралдааны эхэнд Засгийн газраас Байгаль орчны тухай багц хуулийн төслийг татан авч буйг танилцууллаа.
Үргэлжлүүлэн Монгол Улсын хөгжлийн 2023 оны төлөвлөгөө батлах тухай УИХ-ын тогтоолын төслийг хэлэлцэхээр төслийн танилцуулгыг ХНХ-ын сайд А.Ариунзаяа хийлээ. Гэвч тогтоолын төслийн талаар гишүүдийн асуултад хариулах ёстой Сангийн сайд Б.Жавхлан болон Эдийн засгийн хөгжлийн дэд сайд нар хуралдаанд ирээгүй байна. Тиймээс уг асуудлыг хойшлуулах горимын саналыг УИХ-ын гишүүн С.Чинзориг гаргалаа. Түүний горимын санал гишүүдийн олонхын санал аваагүй ч гэсэн УИХ-ын дарга Г.Занданшатар Монгол Улсын хөгжлийн 2023 оны төлөвлөгөө батлах тухай УИХ-ын тогтоолын төслийн хэлэлцүүлгийг хойшлууллаа. Чуулганы хуралдаанаар дараагийн асуудал буюу Банкны тухай хуулийн төслийг хэлэлцэж байна.
