Өчигдөр цахим сүлжээнд Сонгинохайрхан дүүргийн нэгдсэн эмнэлгийн ор хөнжил, гудаснаас халдварт өвчин болох тэмбүү өвчин илэрчээ гэсэн мэдээлэл гарсан билээ. Тэгвэл мэргэжлийн эмч эмнэлгийн байгууллагаас хэлж буйгаар энэхүү халдварт өвчин ор хөнжлийн даавуунаас илрэх боломжгүй гэсэн тайлбарыг хийж байгаа юм.
Тодруулбал, СХД-ийн Эрүүл мэндийн төвийн дарга Ч.Өнөрсайхан "Тэмбүүгийн халдвар гурван замаар халдана. Нэгд бэлгийн замаар, хоёрдугаарт эхээс урагт, гуравдугаарт цус цусан бүтээгдэхүүнээр дамжин халдварлана. Халдвартай хүнээс цус авчихвал халдварлана. Түүнээс тэмбүүгийн халдвар ор хөнжлийн даавуунаас халдварлаад дамжих боломжгүй. Эрүүл мэндийн боловсролгүй хүмүүсийн гаргасан яриа" гэлээ.
Ор хөнжлийн давууг байнга ариутгаж хэрэглэдэг гэлээ. Монголчууд дэгсдүүлсэн худлаа яриа тарааж, түүндээ бухимдаж стрессдэж байгаа нь илт. Дахин хэлэхэд тэмбүүгийн халдвар цусаар болон бэлгийн замаар дамжихаас агаар дусал болон ахуй ариун цэврийн хэрэгслээр дамжих ямар ч боломжгүй гэдгийг мэргэжлийн байгууллагаас анхааруулж хэлж байна.
