"Петрочайна" компанийтай байгуулсан "Бүтээгдэхүүн хуваах гэрээ"-г өөрчилж Монгол Улсын хууль тогтоомжтой нийцүүлэх үүрэг бүхий ажлын хэсэг байгуулах шийдвэрийг Монгол Улсын Засгийн газар өчигдөр гаргалаа. Монголын төр эзэнтэй болж буйн бас нэг илрэл шүү! Өмнө нь хэн ч энэ асуудлаар оролдож зүрхэлдэггүй байсан бөгөөд одоо Улсын эрх ашигт нийцүүлж, өөрийн улсад ашигтай болгохоор хөдөлж эхэлжээ.
Монгол улсад асар их хохиролтой хийгдсэн энэ гэрээг өөрчлөх үйл хэргийг Ерөнхий сайд Л.Оюун-Эрдэнийн тэргүүлсэн Засаг хийж чадваас тэдний үйл хэргийг Монголчууд бүрэн дэмжих юм. Оюутолгойн луйварын гэрээг өөрчилж Улсынхаа эрх ашгийг хангуулж чадсан шиг Петрочайнаг ч бас чадахын төлөө Монголчууд хүчээ нэгтгэх хэрэгтэй.
Засгийн газрын өчигдрийн хуралдаанаар ажлын хэсэг байгуулахыг ЗГХЭГ-ын дарга ЦХ.Нямдорж эсэргүүцсэн сураг сонсогдов. Юутай ч Баялагтаа эзэн Монголчууд болохын төлөө, эх орондоо эзний ёсоор амьдрахын төлөө хүчээ нэгтгэх хэрэгтэй. Ц.Нямдорж сайд эх орондоо хэрэгтэй, үр өгөөжтэй зүйл үлдээхийн төлөө ажиллах ухамсартай хүн хэмээн найднам. Тун удахгүй Дорноговь Нефтийн үйлдвэр баригдахаар энэхүү Матад-тамсагийн газрын тосны орд газар л хамгийн түрүүнд хэрэг болох юм. Ч.Хурц гуай нэгэнтээ "Сая тонн нефть олборлочихоод импортын шатахуун авдаг тэнэг улс Mонголоос өөр байхгүй" хэмээсэн билээ.
