Даваа гарагт тэрбумтан Илон Маскийн SpaceX компани шинэ ерөнхий менежертэй болжээ. Шинэ менежерийг Кэти Людерс гэдэг бөгөөд тэрээр өмнө нь НАСА-д хүн төвт сансрын нислэгийн албыг хариуцдаг байсан юм.
Кэти Людерсийн хувьд хэдхэн долоо хоногийн өмнө тэтгэвэртээ гарсан ажээ.
SpaceX компанийн үйл ажиллагаа хариуцсан захирал Гвинн Шотвеллийн хэлснээр Кэти тэдний Техас дахь “Starbase” сансрын боомт, сансрын хөлөг үйлдвэрлэл, хөгжүүлэлтийн байгууламжийг хариуцан ажиллах гэнэ. Түүний ажил үүргийн үндсэн үүрэг нь SpaceX компанийн Starship пуужинг олон хүн аюулгүй тээвэрлэх хөлөг болгон хөгжүүлэхэд анхаарах ажээ.
Ташрамд дурдахад Кэти Людерс нь НАСА-д 31 жил ажилласан туршлагатай бөгөөд тэрээр өнгөрөгч дөрөвдүгээр сард тэтгэвэртээ гарсан юм.
Эх сурвалж: CNBC
